"Jødefolket inntar en særstilling"
Detaljer
Norske haldningar
til jødane og staten Israel.
Av Karl Egil Johansen.
Omtale:
Fredag 14. mai 1948 samla ein flokk menneske seg i ein gamal museumsbygning
i Tel Aviv. Møtestaden var hemmeleg til like før møtet,
og vindauga blenda av frykt for flyangrep. Alle visste kva som skulle skje.
Presis klokka 17.00 reiste forsamlinga seg og song den jødiske nasjonalsongen.
Deretter las statsminister i den nydanna provisoriske regjeringa, David Ben
Gurion, opp proklamasjonen om opprettinga av staten Israel. Dokumentet vart
underteikna straks han var ferdig, og heile samlinga varte ikkje meir enn
ein halvtime. Ben Gurions sluttord var: ”Staten Israel er oppretta. Møtet
er over.”
Dette
er ei bok om norske haldningar til jødane og staten Israel i dei 60
åra som har gått. Viktigaste innfallsvinkelen er avisene. Frå
ei usikker og reservert haldning i starten gjekk utviklinga hurtig i proisraelsk
retning. Ikkje minst kom sympatien til uttrykk i Arbeiderbladet, organ for
det regjerande Arbeidarpartiet, og i Dagbladet, som mange intellektuelle såg
som ”si” avis. Den positive haldninga varte ved til byrjinga av
1970-åra. Opinionen følgde etter, og ingen land i Europa var
meir israelsvennlege enn Noreg i denne perioden. Seinare snudde stemninga.
Særleg etter Libanonkrigen i 1982 gjekk vennskapen etter kvart over
i uvilje og kritikk mot den jødiske staten inst i Middelhavet.
Det same kjem fram i lærebøker i historie for grunnskolen, som er eit anna viktig tema i boka. Ei jamføring med tyske lærebøker syner at norske lærebokforfattarar i større grad enn dei tyske har vore påverka av opinionsendringar. I nokre tilfelle verkar det nesten som om det politiske korrekte har hatt forrang framfor det historiefaglege. Analysen av haldningane blant kristenfolket, som utgjer siste delen i boka, viser at også delar av kristenfolket har vore sterkt påverka av verda omkring. Haldningane blant kristenfolket har likevel vore svært samansette, frå dei som har kjent ein ”åndelig kvalme” overfor jødane og religionen deira, til dei som har sett opprettinga av staten Israel som ei mektig oppfylling av dei bibelske profetiane.
Karl Egil Johansen er professor i historie ved Høgskolen i Bergen,
der han har vore tilsett sidan 1994. Før dette arbeidde han mange år
i folkehøgskulen og som oppdragsforskar. Han har skrive ei rekkje bøker
og faghistoriske artiklar, særleg om fiskerihistorie og kystkultur,
men også om tema som er aktuelle i denne boka.
Utgiver:
Portal Forlag
Forhandler på Midtøsten-torget:
Knut A. Høyer Bokhandel, Arendal.
Merk produktene som skal legges i handlekurven velg alle
Du har ingen produkter i handlekurven.
Du har ingen produkter å sammenligne.
